من سكن في ام الهيمان له الله او من خيم في ام الهيمان شنو له ... !!!

في الفترة الأخيرة لاحظنه انتفاضة أهالي ام الهيمان
لوقف المصانع اللي سببت لهم أمراض جسيمه
او وقوف أعضاء مجلس ألأمة و الشعب الكويتي مع الحالات الإنسانية
بسبب الغازات المنبعثة من المصافي على المصانع ف ينتج عندنا كوكتيل من المواد السامة
امس واحنا رايحين المخيم انصدمت بصراحة من عدد المخيمات
اللي من أول مصفاة الأحمدي إلي ام الهيمان
او بالضبط فوق راسهم ابراج الضغط العالي على ما لذه وطاب من الغازات السامة
بس بعرف يوم اللي خيموا هناك مافكرو في الجو اللي دار مدارهم
ما فكرو بعيالهم شنو بي يصير فيهم
ما اتذكرو أهالي ام الهيمان و اللي صار فيهم
بصراحة هذا يسمونه انتحار مو تخييم ....
او حتى لو بتقولون المفروض على الحكومة اتحاوط الأرض او ماتخلي احد يخيم فيها
اللي خيموا هناك ماعندهم مخ ما عندهم خشوم يشمون ريحت السموم اللي كل مكان
ما اقول ألا الله يعين عيالهم على اللي بي يصير فيهم و السبب غباء أهلهم