الثلاثاء، 28 ديسمبر 2010

شكرا للافنيوز


شكرًا للأفنيوز

شكرًا من كل قلبي

لأدارة المجمع

او هذي خطوه اتمنى من كل المجمعات

والأماكن المغلقه أطبقها

بس أمنيتي انها تطبق بحذافيرها

و يكون القانون قانون على الكبير و الصغير

على الكل بالإجماع

BlogBooster-The most productive way for mobile blogging. BlogBooster is a multi-service blog editor for iPhone, Android, WebOs and your desktop

الأحد، 19 ديسمبر 2010

الحب

الحب

كلمة حروفها قليلة

بس معانيها ما لها حدود

حياتنا عايشه عليها

اللي ينحرم منها ربي له يعون

تبتدي معانه بدون مقدمات

يفز لها القلب و البال يروح

يسهر بها ويسهر على حبٍ غريب

حبٍ جديد حبٍ على راسه يدوس

مادره ان فيه هايم

و ان في بحره سبح لا والله انه غرق

او ما حس في نفسه الا مع طلعت الروح

هذا هو الحب اللي تغنو فيه من زمن

من ايام عبله وعنتر

الى هذا اليوم

ماعرفنا هالحب وش عالمه وش جَوه

هو فيه رجفت قلب فزت قلب

إحساسا ما مثله مثيل

فيه نعيش

و ان انتهى

وقف قلبه وقف عمره وقف زمانه

بلحظة تمنى فيها

ماحب و لا انحب ولاجرب فزت القلب
BlogBooster-The most productive way for mobile blogging. BlogBooster is a multi-service blog editor for iPhone, Android, WebOs and your desktop

السبت، 11 ديسمبر 2010

الكويت بحاجة الدعاء

للأسف يا جماعة الخير

إحنا اللي ضعنا بالطوشة

الاسبوع اللي فات كان من احر الأسابيع

مع ان في شهر ١٢ الى ان حرارة الساحة

السياسية طغت على الجميع

و بمساعدة ال BBM على ال What's App
ماصرنا بحاجة تلفزيون او جريدة

كانت كل لكويت في قلب الحدث

البداية بلشت مع جويهل

في الضرب المتعمد

بغض النظر عن أطروحاته

لكن إحنا مو عايشين في غابة

و بعدها آتيينا سالفة ديوان الحربش

ما اعتدنا على هالاسلوب من التعامل

للمره الاولى تشهد الكويت مثل هذه الاعمال

تشويه لسمعت الكويت في الفضائيات

و ابطال العمل القوات و النواب

تسمع كلام النواب تتعجب

تسمع كلام القوات تتعجب

ماتدري منو اللي صادق فيهم

وللأسف في الكويت

بلد الكلمة و الحرية

تفقد الكلمة مصداقياتها

من اكبر الجهات في البلد

الكويت

مو بس افقدت الكلمة

مو بس افقدت الديموقراطية

مو بس افقدت الحرية

مو بس افقدت الأمان

افقدت حتى المستقبل اللي كنه نتطلع له

افقدت التنمية اليتيمة من زمان الحين تشردت
وضاعت مع اللي صار

افقدت الرجال اللي كنا نعتمد عليهم وكانو اساس البلد

افقدت مكانتها بين جيرانها و السبب الهمجيه اللي عشناها في اسبوع

الكويت في حاجة ماسة

الى الدعاء الصادق من اهل الكويت

اللهم احفظ كويتنا واجعلها بلدا للامان

اللهم احفظ كويتنا من كل مكروه

اللهم احفظ كويتنا من شر الفتن

اللهم احفظ كويتنا من شر الفتن

اللهم احفظ كويتنا من شر الفتن

انك انت مجيب الدعوات
BlogBooster-The most productive way for mobile blogging. BlogBooster is a multi-service blog editor for iPhone, Android, WebOs and your desktop