الثلاثاء، 28 يوليو 2009

شخابيط

Don’t worry be happy
من أروع الأغاني الأجنبية
اللي صج أتخلي الواحد يبتسم
أو اهوا يسمعها
روتين الحياة شي ممل
شي يزهق الواحد
لكن الكل يحاول جاهد ان يغير هالروتين
أو بالفعل اتغيرة أبسفرة
أو طلعة شاليه
أو بس تركب السيارة أو تفتر بالشوارع بدون تفكير
بس الهدف الوحيد انك تكسر الروتين القاتل اللي الكل عايش فيه
أو ماكو فايدة مردك ترجع للروتين الممل
انا قطعة عن ألكتابه لفترة بسبت اني مليت من مشاكل مجلس الأمة
مليت من الأخبار مليت من كل شي مليت من صراخ النواب
أو وعود الوزراء أو حرارة الصيف اللي ما ترحم
سامحوني ادري تفكيري مو مرتب
ادري مخي مشوش بس أحس اني قاعدة أعيش فترة صعبه بحياتي
الضغط الزايد والروتين اللي ماني قادره اكسره
ما أقول اللا الشكوه لغير الله مذله
الله كريم

السبت، 11 يوليو 2009

عدنا بعد غياب

في الفترة اللي غبت فيها كنت في المملكة العربية السعودية لأداء مناسك العمرة
او صارلي فترة مو رايحه السعودية
ف تغيرة علي شغلات وايد
او اصدمتني شغلات وايد
في البداية الحمدالله على اتمام مناسك العمرة
او الله يعطي العافيه لكل من يسهر على خدمت الحجاج و المعتمرين في البيت الحرام و المسجد النبوي
بس كان عندي بعض الملاحظات على تصرفات البعض
اللي بصراحة استباحوا حرمة المكان المقدس
بنسبة لبنات ديرتي لاحظت ان ال BB ( البلاك بيري ) ما يفارقهم حتى في بيت الله
لين الإمام اقوم الصلات و عيونهم معلقه في ال BB الى اخر لحظه
او أثناء الطواف كان زحمه ماشاء الله
تخيلوا نفسكم في هالزحمه تلتفتون او تلقون واحد واقف او رافع ايده على اساس ان يدعي او يقول حق صاحبه صورني
او بي الكعبه تبين كلها !!
ولا اللي يسوي روحه يصلي او معطي الكاميرا حق صاحبه او قاعد يصوره !!
او و الله شفت بنات من بعض الجاليات لابسين بنطرونات جينزاو قمصان لي نص الكوع او احجاب بو نص تنته اللي نص الشعر بالسكه
او ماسكه مصحف او اطوف حول الكعبه !!
غير اللي في المسعى بين الصفى و المروه
كان من الزحمه اتحس انك بالحج ولاكن للأسف ترا البعض ماسك الموبايل
او سوالف او قرقه ولا يدري اهوا ليش قاعد يسوي جذي
او في مصلات الحريم كل وحده يايبه عيالها
او الاطفال ياكلون ويقطون تحتهم و يكسرون اقلاسات ماي زمزم
و يحذفون تحتهم
او اتقولون اهلهم زفوهم ولا قالو لهم شيلو الوصخ من وراكم ؟!
الأهل ولا حركو ساكن بالعكس الأخت اتزيد الوصخ و تقوم !
هل هذا ما يحثنا عليه دينا الأسلامي ..!!
ما أقول ألا الله يهدي الجميع