الأربعاء، 9 سبتمبر 2009

قرقيعان 2

و أنكمل مع قناة الرأي

من عقب داوود حسين ما اشوف الراي

الا على 2 الفير او برنامج نواف

انا عن نفسي ما يعجبني تقديم نواف

او كلا ولا اللزمه اللي حاطها

شد الحبل شد الحزام !!

بصراحة لا تعليق ..

قناة الوطن

برنامج جوله او حجي انقوله

بصراحه ماعجبني فيه إلا اغنية الدعاية مالته

اللي اثبتت تألق حمود ناصر

او بعدين انيي مع ابداع المخرج الخطير محمد دحام الشمري

في الهدامة

الإخراج خطير

نص جميل

قصة فيها جزأ من ماضي الكويت

أو أحداث تاريخية اللي الجيل اليديد مايعرف عنها شي

و أبراز موهبة محمود بشهري بدور مغاير عن جميع الأدوار السابقة

أو تألق النجمة باسمه حماده مع إن دورها كان صغير ولكن أثرة على المشاهدين

بشكل كبيره

بعدين عندنا الشيخ نبيل العوضي

برنامجه روعه و فيه تعزيز للقيم و الأخلاق

وبعدين بو قتاده و بنبيل 3 ..

انا احس ان السنين اللي فاتت كان اقوى من هالسنه

يعني احس خلصو كل القضايه

و عقبه ملاقة حسن البلام فيه عماكور

اللي ما اشوف اللي فيه تعليم

لجميع أنواع قلة الأدب للأطفال

و الكوميدية التجريحية

و بعدها آخر صفقة حب

اللي ما توفق فيها المخرج محمد دحام الشمري

لأن وايد لويه والقصة فوق تحت

او ماتدري شسالفه ولا راح تدري شنو السالفه

او بعدها اتي ام سوزان

في دمعة يتيم

دور الفنانه ام سوزان احسه تكرار حق دورها في بوهباش

عادي اتشوفون الحلقة او مافيها حدث يخدم النص

بس من اول الحلقة او حياة الفهد و اخوانها يتلنقزون من مكان لي مكان

و يدورون الفلوس

يعني وصلت الفكره انهم ابخلا

بس لي متى وين الأحداث

الله اعلم !!!

او عقبه المزاد

للملك بركات اللوقيان

اسئله جميله

او منافسة حلوه

الى الأمام يا بركات ..

او عقبه عقاب 3

مع انه ما فيه عقاب

لكن مازل اسم الحلقة عقاب

او ما شفت منه شي ف ما اقدر اعلق عليه

او بعدين برنامج بشار الشطي

اللي بصراحه ماعنده سالفة

الاسئلة سخيف هاو مو مفهومه

او مامنها فايده لا حق صغير ولا كبير

الثلاثاء، 8 سبتمبر 2009

قرقيعان 1

بمناسبة نص الشهر

و الأجواء القرقيعانيه

حبية أتكلم عن القرقيعان اللي صاير بالتلفزيون

انبلش مع قناة قناة حسب مشاهدتي لهم

قناة الكويت الأولى

حلقة أم البنات

بصراحة تشكر الكاتبة الكويتية المتألقة هبه حمادة

على هالقصه اللي مافيها تجريح حق احد و النص الهادف

القصة البسيطة اللي كل يوم فيها حدث يخدم النص و مافيها

أطواله او تمطط بالحلقات

او بعدها عندنا عقيد يحدث !!

او عقبها وحده بصراحة ماعندها سالفة اتقص قصة سيدنا يوسف عليه السلام

بدال لاتقضين الرمضان كلا اب قصة سيدنا يوسف

كل يوم قولي قصة نبي حزتها صج المشاهد يستفيد

او بعدين مدفع الإفطار او كم هائل من البشر اللي يسوون بيباي

قناة الرأي

برنامج لآليء

للمتألق الشيخ الشاب فهد الكندري

برنامج جميل او هادف ولكن موعد عرضه غلط كل الناس نايمه

لو ينعرض عقب الفطور بدال أم سعف وايد احسن او افيد حق المشاهدين

لي الحين مو راضيين يقتنعون إن أم سعف فاشل

يعني صوت طارق العلي مزعج او مو مقنع ان يأدي دور مرا

و الكلام مو راكب على الصورة

و حركات الشخصيات موبالغ فيها

بعدين شوهوا صورة المرأة الكويتية

ويأتي بعده الحاضر بقوة داوود حسين

في برنامج د تيوب

اللي ابهرني فيه طريقة تصويره السنمائية

صج عمل متعوب عليه من ناحية الإخراج

مع ان مو جميع المشاهد اتضحك ولكن يشكرون على الجهود الجبارة بالتصوير

يتبع ...