ليش أغلبية الناظرات مو متزوجات ؟
ليش الأغلبية العظمة من المدراء شايفين روحهم ؟ ( مع إن ما نولد مدير )
ليش إذا صار مسئولك رفيجك تستغله لي الآخر ؟ ( أتحلل أيام معرفتك فيه عدل )
ليش إذا صرت مسئول عن هنود اطلع دهنهم ؟
ليش المدرسات كلا يحشون ؟
ليش موظفات الحكومة كلا ريوقهم صمون مشكل ؟
ليش صاروا الريايل يحشون أكثر من الحريم ؟
ليش 103.7 كل يوم الصبح يحطون أغنية طابور الصباح ؟
ليش 103.7 مذيعينهم وايد ظريفين ؟
ليش و أنا راده من الدوام أبطل الرادو اسمع مغني ( اعتقد العروج ) وكل الاغنيه يقول فيها (( أمبيه )) ؟ (هذا مستوى أغاني 2010 !)
ليش كل الكويتيين شايلين في ايدهم بلاك بيري او آي فون ؟
ليش بعض المتحجبات صار لبسهم كلا بلايز قصيرة او بنطرون سكني ولا لقن ؟ ( بعد ليش متحجبة ! )
ليش كل الكويتيات صاروا مصممات ؟
ليش كل فريج في الكويت صار فيه معرض ؟
ليش كل بنات الديرة صاروا يبيعون كب كيك ؟
ليش الكل يشتكي من (زين) مع إن لي الحين عندها اكبر عدد من العملاء ؟ ( مو عاجبينكم حولوا حق غيرهم :q )
ليش بعض الجاليات يوم الجمعة بذات تلقونهم صافطين سيايرهم في مشرف على السادس او دار مدار المحول و يشون ويخيمون و يوصخون او يمشون ؟
ليش عبدالعزيز المسلم وكل الممثلين اللي وياه وايد يحركون راسهم ويخزون ( نور عيني ) ؟
ليش كل الكويتين صاروا مزارعين في الفيس بوك ؟ ( اتهقون بسبة لجنة الإزالة ! )
ليش اختي عندها ترشيح او الحين صارلها فوق 6 شهور ناطره اللي جدامها بالديوان تتزحزح و الاخت معانده ؟ ( او كل مادقت عليها قالت لها ممكن ترفضين على شان أتوظف أتقولها انا ابي المكان اللي انتي يايبت له ترشيح (( اش هالنحاسه )) )
اضافات القراء :
غير معرف
ليش كل البنات شايلين جناط أكبر من راسهم على بو موضة؟
ليش كل الكويتيات صارت روسهم أكبر من أجسامهم؟
Q8-HANDICAP
ليش صار بكل فريج بنات ايسون اكسسوارات ؟؟؟
ليش كل البنات بين كلمه وكلمه ايقولون كلمة ((حرام)) ...... ((حرام)) ؟؟؟
الـسـنـبـلـة
ليش كل الكويتيين مو عاجبهم شي بالديرة و بس يتحلطمون ؟
ليش كل فريج بالكويت صار فيه تجمع أو حملة سياسية ؟
ليش كل كويتي ما يصدق تصير أي سالفة بالديرة إلا سوالها قروب بالفيس بوك ؟
Amani
ليش الجينز السكيني وحجاب بو تفخه والبوت ابو لمعه وبوز من جدام والبدي الصيفي علاق وتحته بلوزه شتويه بيضه صاار جنه زي وطني بكل مكان اشوفه بالضبط ليش الهلاقه ؟؟
ليش كل وحده تمر من صوب ال AUK صارت خلاص من بنات ال AUK ما عندها سالفه غير اي لما طلعت من باركينج ال اي يو كي ولا لما مريت من صوب باركينج الاي يو كي الخ الخ الخ .. مع انه للعلم الباركينج مال ال AUK تبع الحكومه والجامعه اصلا ما عندها باركينج ؟؟؟
الاشتراك في:
تعليقات الرسالة (Atom)
وانا بعد ازيد..
ردحذف- ليش كل البنات شايلين جناط أكبر من راسهم على بو موضة؟أو ليش كل الكويتيات صارت روسهم أكبر من أجسامهم؟
على ايدكم ناظره وغير متزوجه! مالقيت
ردحذفهههههههههههههههههههههههه
ردحذفصح اللسانج والله
وانا ازيد بعد
ليش صار بكل فريج بنات ايسون اكسسوارات ؟؟؟
ليش كل البنات بين كلمه وكلمه ايقولون كلمة ((حرام)) ...... ((حرام)) ؟؟؟
اسئلة مهمه
ردحذفبس يبيلنا شهرين عشان انجاوب
الله يهداج صايره اقوى من نوابنا بكثرة الاسئلة؟؟!!
:)
غير معرف
ردحذفهلا فيك اخوي او اختي
او ولا يهمكم بنضيف نقاطكم على البلوق :)
MSMAAR
هلا فيك حجي
بس صدقني اكو كل ناظره متفرعنه مو متزوجه :)
Q8-HANDICAP
اهلا و سهلا
او بالخدمه راح انزيد نقاطك على البلوق
خااالف تعرف
اهلا وسهلا
ناطرين اجاباتك لاتحاتي لو السنه كلها
السلام ..
ردحذفانا بالحكومه ونادر اكل مشكل :)بس يمكن لانه ارخص :)
امم وسالفة زين لانه يمكن يبون خطهم مايبون يغيروونه ..
والجناط الكبار لزوم القشه بس الحين هابين بالجناط الصغار..
هذي بعض الاحتمالات :)
ومرسي..
رورو الشخبوطه
ردحذفهلا فيج يختو او نورتي البلوق
او بالنسبه حق سالفة الارخص يجوز :)
سالفة خطوطهم حلوه ما اعتقد ان في احد الحين يحفظ رقمه انا عن نفسي الله يعافي المييموري
او ثانكس على سالفة هبة اجناط الصغار تدرين اختج دقه قديمه :)
ميرسوو...
ليش كل الكويتيين مو عاجبهم شي بالديرة و بس يتحلطمون ؟
ردحذفليش كل فريج بالكويت صار فيه تجمع أو حملة سياسية ؟
ليش كل كويتي ما يصدق تصير أي سالفة بالديرة إلا سوالها قروب بالفيس بوك ؟
مرت اخوي ناظرة ومتزوجة اخوي :q
ردحذفنصيحة
لا صرتي بالسيارة لا تسمعين اغاني
سمعي شايتين
يا اخبار بي بي سي والا اذاعة القرآن
ابرك :)
الـسـنـبـلـة
ردحذفهلا فيج خيتو نورتي البلوق
او راح انضيف اسألتج جود احد يجاوبج عليهم:)
او من وجهة نظري الاجابه اهيا من الفراغه الزايده اللي فيهم :)
ولد الديرة
هلا فيك يا اخوي
اظاهر مرت اخوك ماكنت مداومه حزت الاستفتاء :)
او صدقت ان اخبار بي بي سي والا اذاعة القرآن
وايد أبرك من الخرابيط اللي بالمرينا او غيرها والله يا اخوي كل مره اقول اب ابطل اسمع اغاني او اتمم شهرين بعدين بليس يلعب بارسي او ارد اسمععهم :(
هههههههههههههه
ردحذفحده مو صج قاعده واضحك اقول هذي ضحكتني اكثر لا هذي
انزينهم ضيفي بعد ليش الجينز السكيني وحجاب بو تفخه والبوت ابو لمعه وبوز من جدام والبدي الصيفي علاق وتحته بلوزه شتويه بيضه صاار جنه زي وطني بكل مكان اشوفه بالضبط ليش الهلاقه
والمشيه اللي حدها تنافس الكات وولك ههههههههههههههههههه
وهم ليش كل وحده تمر من صوب ال AUK صارت خلاص من بنات ال AUK ما عندها سالفه غير اي لما طلعت من باركينج ال اي يو كي ولا لما مريت من صوب باركينج الاي يو كي الخ الخ الخ .. مع انه للعلم الباركينج مال ال AUK تبع الحكومه والجامعه اصلا ما عندها باركينج ههههههههههههههههههه
بس 103.7 اسمحيلي لا تعليق لووووووووووووووووول
الله كل هذا فالكويت!!
ردحذفعااد ما اطن كلهم..!!
بصراااحه وااايد اسئلة ..انرسمت فويهي اكبر علامة استفهام
؟؟؟
وليش انتي واايد تسألين ليش؟؟
شعب الكويت ادرى بالاجابه
ع العموم يسلمو غلى الطرح الغاوي
تقبلي مروري
صمت
Amani
ردحذفهلا فيج نورتي البلوق او ان شاء الله الضحكه ماتفارقج يا رب او راح تنضاف تسأئلاتج او ان شاءالله نلاقي من يجاوبنه عليهم :)
يا اختج من ناحية زي وطني اتفق وياج تماما والله ساعات اتقولين ليش اكو من نفس البنيه وايد من كثر ماتشوفين نفس الستايل كلا ولا الجوليه الوكر اللي ينباع في برشكا كل بنات الكويت بدون مبالغه لابسينه مع قميص ابيض يعني بصراحه شي رهيب
والله لو وحده تلبس تاج فوشي على شيله سوده بالغلط صدقيني اتصير موضه باجر واتشوفين منها اشكال او اللوان
و ما ادراكي في البنات اللي يمرون صوب ال AUK ويتفلسفون والله بنات ال AUK نفسهم مو جذي بس هذولا اللي يتلزقون :)
103.7 صج تسوا الواحد يستجوب وزير الاعلام عليها :)
صمت البوح
حياك الله خيو نورت البلوق اب طلتك البهيا
اي يوبا هذي الكويت صل على النبي :)
فيها اتشوف البدايع و الغرايب والعجايب
يعني الشعب الكويتي نادر ما يتفقون على كلمه لكن صدقني احنا الشعب اللي نقدر نتفق وانسوي اي يوم نبيه عطله رسميه :)
ف توقع يسون اكثر من اللي ذكرته :)
او على العموم من لهجتك الغاويه انت من دار زايد او حي الله فيك في الكويت او من بعدها انطر اجابتك :)