تخيل نفسك توك راد من الدوام
راسك مسندر من لوية الشغل
أو حنة المدير أو طحنت المسئول و القال و القيل
ما يصير الدوام دوام من دون حش أو قرض بخلق الله للأسف أصبحت عاده يومية لدى البعض
و اللي اكتشفته أن الشباب يحشون كثر البنات لا و يمكن زيادة بعد
المهم وصلنا البيت بالسلامة
و ألغدا الخدامة مخربته يعني شكلا اليوم مو معدي
تنسدح بالصالة الطالع التلفزيون و تنصدم أكثر من حرتك على الغدا
تمسك الرمونت ترعص الرقم 1 و تبلش المآسي
مادري ليش أحس استاندر في كل البيت تلفزيون دولة الكويت يكون رقم واحد
طبعا الديكورات عفا عليها الدهر
و المذيعين يحاولون جاهدين أنهم يرسمون الإبتسامه على شفاه المشاهدين
لكن للأسف قاعدين ترسمون الدهشة على أويوه المشاهدين من الكم الهائل من السخافة أو القطات التافه
و الأزياء المحاميدية على قرار سلم لم (( شخباري ))
و تقلب برمونت و تطلع لك قناة الرأي و برنامج رايكم شباب
في السابق كان رايكم شاب برنامج هادف أو في فعلا يشكون هموم الشباب
على ايام المساعيد أو نهى نبيل أو نورة أو واحد نسيت اسمه
بس الحين صار اللي يلبس أو يكشخ أكثر
أو صبغات الشباب فيه أكثر من البنات
أو هذا من وجهة نظري دليل على انحطاط الفكر اللي قاعدين يروجونه
أو ماكو موضوع هادف فعلا يقدرون يفيدون فيه هالشريحه الكبيرة من المجتمع
وتييك عقبها قناة صوت الشعب (( سكوب )) سابقا
و أهني أتشوف عجب العجاب
اللي أتعجب منه أن في شريحة كبيرة من المجتمع منجرفة مع فكر هذه القناة
أو إدعائها بأنها قناة وطنية و تمس أهموم المواطن وتحاول إنها أتوصل صوت الشعب
أو هل الشعب الكويتي نسى من اللي شوه صورته جدام المواطن الخليجي و العربي من خلال طرحه التافه للمسلسلات الهابطة
اللي شوهت سمعت الشارع الكويتي أو الرسمت صورة الكويت بأبشع الصور
فجر السعيد من أكثر الكتاب فسادا من حيث الفكر اللا أخلاقية اللي تنشره في مسلسلاتها
ا واتيي أتكلم عن الوطنية و الوحدة الوطنية أو تضرب برجالات الدولة !
أنا لو بقعد أتكلم من اليوم لي دوم ما راح اقدر اشفيه قليلي أب هذي القناة
و نفر القناة
تطلع لك قناة فلاش
هذي اعتبرها فاصل كوميدي سياسي معفوس فوق حدر
طبعا أهيا قناة التنافس تلفزيون الكويت من حيث الديكورات و الإخراج
مع تفوق طفيف لتلفزيون دولة الكويت
فيها تلقى الصراخ أهيا الوسيلة الأولى لتسلية على طريقة نوابنا يعني
من بو خرشد اللي حاول انه يسحب البساط من المدربح بو عيدة
أو بو جوهر اللي داش عرض أول مره يمر علي أسمر طينته ثقيلة مثل بو جوهر العادة إخوانه السمر يونسون أو طينتهم خفيفة إلا هذا مادري ليش ما أبلعه
أقلب بالقناة
أتيك فتافيت
القناة الوحيدة اللي احترمها بالتلفزيون
اللي صج أحس إنها تعرض شي هادف للمشاهد :)
أو نقلب بعد تطلع لك الوطن
قناة كويتية مشرفة بالصراحة
فيها تلقى أبداع شباب الكويت في جميع المجالات
خلو المشاهد يحب يطالع الأخبار عن طريق طرحهم للخبر بطريقه ذكية
أو بصراحة شهادتي مجروحة في هل القناة أهي اللي أتبرد الجبد مع فتافيت
قلبي مو مطاوعني اقلب على القناة اللي بعدها
ونفر مره ثانيا
أو تطلع لنا ال MBC
قناة أثبتت تألقها من سنين و لازالت تتألق ما عندي كلام عليها
و تفر و تفر و تفر
في هالقنواة لين يفتر راسك و تنام أو أنت لا متغدي و لا مبدل هدومك ولا مسوي شي مفيد بحياتك
بس اللي شفته ألوان مزعجه عورة راسك على صراخ خرب توازن أذونك على صدمات فكرية من حيث الأطروحات البهلوانية اللي يروجها البعض
ودمتم سالمين
الاشتراك في:
تعليقات الرسالة (Atom)
topical Kuwaiti
ردحذفإمـرأة لا تُنسـى ..
ردحذفأشكرج على المرور :)
ماكو على نيكيلوديان و ام بي سي ثري
ردحذفاولا شئ هاردلك على طيران الغدا
ردحذفالله يخلي خدمة التوصيل الى المنازل لوووول
ثانيا قنواتنا المتألقة
انا متبع سياسة تقول ااخذ الزين من كل مكان حتى لو كانت قناة داثرة .. فرضا كان في مقابلة مع شخص يسوى واحترم وجهة نظره اتابع القناة ليش لأ
اما اذا انتقلوا الى شخصية تعيسة غير القناة على طوووووول
وهلم جرة
من قناة الى قناة
ومن كل بستان زهرة وشمة :)