المرور بالديرة سلطة

يا جماعة في شي باط جبدي في الديرة
كل يوم عن يوم أكتشف تمرد العمالة الوافدة بزيادة
أو أن ماكو حرمة حق القانون
أمس بودي أختي المعهد بحولي
على ماوصلة حولي ألا ضغطي مرتفع
مابقى هندي مالف علي مابقى صعيدي ما خطر الدور باللفه أو لف جدامي
يعني شي يقهر لا و الهندي أطالعه بالجامه رافع أيده ويصرخ علي!!
تخيلو يا جماعة ! جني أنا غلطانة عليه !
والباصات و التكاسي بعد هذولا خلوهم على كتر
والله مره على الدائري الرابع قبل الجسر اللي بين الجابرية أو حولي
تخيلو باص كان على الحارة اليسار أو مره وحدة يعترض بالشارع
على شان يبي يدش تحت الجسر أو الدائري الرابع كلا يوقف على شانه !!
ليش التسيب
ليش كل من قام يطق القانون بالطوفه أو يمشي !
ليش كل ما توقف بالدور حق اليوتيرن اييك واحد أو يصير جدامك ويخطرك!
ليش الناس الصاحية توقف مكان المعاقين أو إذا كلمة يهاوشك!
ليش طقت الرصيف شي أساسي عند الكل !
ليش الإشارة الحمرة ما لها وظيفة بصباح السالم !
ليش كل شارع بالقرين في دوار !
ليش كل دورا بحولي الشرطة يسونه سايد واحد !
أتمنى لو بس ألقى إجابة وحدة !!