اليوم إجازة أو قاعدة أطالع التلفزيون أو بالغلط حطيت على قناة الرأي العراقية
الي تبث من سوريا على ما أعتقد
هالقناة ما عندها ألا انها اتغلط على الكويت و تسب الكويتين
و يتنكرون عن كل اللي صار بالكويت سنة 90
أو يتنكرون عن جميع المساعدات اللي الكويت تبعثها
أو يقرون إن الكويت جزأ من العراق
يعني لاطبنا ولا غدا الشر
أو اللي صار فينا قبل الغزو قاعد ينعاد الحين مع تغير بعض التفاصيل
ادعاء العراق بعدم وجود حدود مع الكويت !
أو على أن الكويت جزأ من العراق !
أو يجب على الكويت تعويض العراق !
أو جميع الأتصالات اللي اتيي من الكويت تنقطع
أو جميع الأتصالات اللي اتيي من باجي الدول أو اتسب بالكويت يخلونا على الخط !
أو يصرون على أنهم قناة محايدة
أو تخيلو يا أخوان أيحطون أستفتاء بالقناة هل تؤيد غزو الكويت مره اخرى!!!
هل هذا كلام يا أخوان
حسبي الله ونعم الوكيل
بس أحب اوصل صوتي للعالم أجمع
الكويت دولة اسلامية عربية مستقلة
تحت قيادة آل الصباح الكرام
أو اللي صار سنة 90 جرح في قلوب كل الكويتين
أو عمرنا ما راح ننسى اللي سوتا العراق فينا
أو منو اللي اعتدا على حرمة جارة
أو استباح نساءه و اطفاله
لكويت فوق جميع الجروح اللي سببتا حقها العراق
وقفت مع العراق أو ارسلت لهم المساعدات الأنسانية
ولاكن العراقيين ناكرين للمعروف أو لازالو يتغنون إن لكويت تابعه حقهم
حسبي الله ونعم الوكيل فيكم
وربعنا شالو الغزو من المناهج
او مايبون عيالنا يعرفون اللي صار
لاكن اللي صار من العراق عمرنا ماراح ننسى
او ما راح نتنازل عن حقنا
او الله ياخذ اب حقنا منكم
سامحوني افكاري متلخبطه والله من القهر اللي شفتا مساعه
الله يحفظ الكويت وشعبها من كل مكروه
او الله ياخذ اب حقنا منكم
سامحوني افكاري متلخبطه والله من القهر اللي شفتا مساعه
الله يحفظ الكويت وشعبها من كل مكروه
الله يلوم من يلومج!
ردحذفالاعلام هو سلاح الشعوب والدول وللأسف نحن نعاني من اعلام يفتقد الفطنة في التأكيد على سيادة الكويت واستقلاليتها
ففي وقت تشن حملات اعلامية شرسه على التعويضات العراقيه الكويتية،والاخبار المغلوطة في بعض القنوات الرخيصه كتلك التي شاهدتيها نرى اعلامنا منشغل بحليمة
وحاليا...سلوى المطيري
:(
ولكن كوني على ثقه مدونتك هي صوتك
عبري عن فكرك
وأكدي على حقك
ولنكن نحن كمدونين دائما على قدر المسؤليه لنمثل كويتنا التمثيل الصحيح حتى لو في الانترنت
الله يبرد قلبج
انا اللي ما شفت احتريت
!!
esTeKaNa
ردحذفمشكوره اختي على المرور
او اتمنى من كل المدونين الكويتين
انهم يوصلون صوتنا اللي اقمتا الاعلام
او نثبت للعالم ان الكويت فوق كل اعتبار
الله يحفظ لكويت او شعبها من كل مكروه
إختي الفاضله
ردحذفلا تنغثين وراهم اللي اقوى منهم وراهم رب كريم
ما الومج انا ما قدرت اكمل المشاهده طلعت من الغرفة بكبرها عشان ماانقهر
فعلا انها عراك مو عراق
ناس متعودين على الحروب
ولكن مشكلتنا اننا أُبتلينا بجيرتهم
ردحذفيطلع من الكويت الى العراق كلك خير ومساعدات
وما نشوف منهم الا كل نكران للجميل
لدرجة اني احس ان كلام مسؤوليهم كلام مجاملة عشان المجتمع الدولي
ولكن يظل بكل دولة يوجد الاشراف والمسلمين الحق
والافضل انك ما تتعبين نفسك بمتابعة هالقناة الدايخة
ليش نعطيهم اكبر من حجمهم ؟
ردحذفطنشوهم ولا تردون عليهم
خلوا الموضوع بإييد أميرنا الله يحفظه لأنه ماكو اشطر منه في سياسة العلاقات الخارجية
يا اختي هذي قناة مأجورة .. تشتغل بالفلوس
ردحذفلكن المفروض ان هالمرة تتعامل حكومتنا باحترافية مع هالوضع
اشكرج أختي (maha) على المرور
ردحذفونعم بالله أختي او صج المقابلة اتييب الجلطة الله يعينه على هل الجار
حياك الله اخوي ( رزنامة )
موقف العراق الحالي مو شي يديد عليهم أهما النكران في دمهم
او بالفعل يمكن يوجد بعض الأشراف لاكن في كل مكان الشر يعم و الخير يخص
هلا والله أختي ( امرأة لا تنسى )
أميرنا بو ناصر معروف اب حكمة او الله يكون اب عونه على هالجار
من حق الكويت علينا ان انرد على كل من يحاول يمس ديرتنا من بعيد او من قريب
او ما يصير ان كون سلبيين احنا اب زمن ان لم تكن ذئبا أكلتك الذئاب
هلا فيك اخوي ( عثماني )
بالفعل الكلام اللي قاعد يصير مليون بالأمية احد دافع لهم او وازهم علينا
لأن حجي خطير اللي قاعد ينقال
لاكن حسبي الله او نعم الوكيل فيهم
ا وان شاء الله حكومتنا توقف لهم بالمرصاد
على شنو حارقين اعصابكم؟
ردحذفانا مستغرب والله من الكويتيين !
يدورون اي شي يزعلون عليه
يبا اذا سبوكم سعر النفط بيطيح؟
اذا سبوكم راح تتغير عيشتكم ؟
عليهم بالعافية خل يسبون
ياما سبونا قبل و را يسبونا بعد
احنا ماشين على القوانين الدولية و ما نلتفت حق هالسخافات