روتـــــــــين

رن رن رن رن تو تو تو ت ن ت نتن تن الساعه 7 طق طق ماكو دوام اليوم !! قفزه اولمبيا من الفراش لي الحمام بقدرة قادر انت الحين في السياره الساعه 7 او 10 دقايق الويه مو مغسل الكشه منفوشه المزاج اكس الدوام 7 اونص و يبدأ سباق الرالي على خط الملك فهد في سباق مع الزمن للوصل قبل 7 او نص في الفتره القياسيه هذي البال مشغول اب مليون شغله ليش الساعه مارنت !! امس من فاز في المبارات !! اوو نسيت ادق على فلان الوو فلان وينك ليش ما قعدتني ؟؟ سوري النمره غلط ديييييييييييييييييييييد سوري اخوي لفيت عليك بالغلط .. هذا حال كل من على هذه الارض دائما الفتره الصباحيه مزعجه بالنسبه للكل الشوارع زحمه نص العالم متاخره على الدوامات . توصل الدوام تبدي حالة التذمر من 1. الحريم 2. المسؤل 3. السياسه 4. المبارات اللي مادري من فاز فيها 5. المعاش 6. اووو لي الحين ما دقيت على فلان !! او يستمر الحال لي 3 او نص 8 ساعات من حالة اليأس لا الوقت راضي يمشي ولا عندك شغل ..
شنو اللي خلانه نوصل لي هالمواصيل تأخير دايم عدم رضى من كل شي ماكو شغل قاعدين فاضين نقرا جرايد او اناظر الساعه ؟!
لو كان كل واحد منه راضي عن شغله او حابه جان ماصار عندنا هذا كلا لو كان كل واحد فينا يتخرج او يتوظف اب تخصصا جان حلينا وايد من هذي الازمات لو كنا ما نعتمد على العماله الوافده او نخلي عيال الديره يشتغلون جان ماصار عندنا كل هذي البطاله المقنعه اللي عايشين فيها . لي متى راح يتم التوظيف على البركه يا واسطه تشغلك بالمكان اللي تبيه يا تنثبر اف بيتكم تنطر متى ما ديوان تعطف عليك او وظفك او المصيب المسؤلين يتجهون الى بعض الدول العربية و الاسيوية على شان يطلبون عماله او عيال الديره متربعين في البيوت بس الكل يصرخ و يقول زادت نسبة الانحراف زادت نسبة الجريمه زادت نسبة العنوسه ، كل الدول تزدهر بعيالها الا ربعنا يزدهرون اب تحبيط عيالنا ، اذا نص اللي يتوظفون مو في مجال دراستهم اشلون تبون الموظف ينجز بالدوام اشلون يكون له ولاء او اهوا انفرظت عليه حيات مو له كانت مرسومه حق غيره ، اتمنى حال ديرتنا ينصلح او على الاقل نحاول نصلح ماتبقى من ديرتنا و نرد الكويت عروس مثل ما كانت او احلا من ماكانت عليه آميـــــــــــن يا رب العالمين