ما جذب من قال مصر أم الدنيا ..

مصر ام العجايب

مصر ام النيل

مصر ام الكشري و الفول

مصر ام كاس افريقيا

مصر مصر مصر

وين الكويت من مصر

الكويت كلنا نفرين و كهربتنا كل ساعه طافيه

مصر ام المليون نسمه او ماشاءالله عليهم كهربتهم شغاله

الكويت الناس تسكن في البيوت وعيالهم يصير عندهم عيال يالله يسوون الشوارع و توصل الكهربا

مصر المنطقة فاضية او مافيها اللي جم قسيمة تنبني والكهربا و الماي واصلين

يا جماعة واللي صدمني اكثر ان فيه دوا امي صارلها سنين تشتري الثلاث حبات اب 10 دنانير و يوم تكرموا علينا و

نزلوا سعره صار اب 8.850 .. و بمصر نفس الدوا بالضبط او مستورد على قولتهم اب 35 جنيه يعني بالكويتي 1.800 فلس

ليش يا جماعه ليش حرام عليكم اتاجرون اب امراض العالم ؟!! اتاجرون برواح الناس !!

وين وزارة التجارة وين وزارة الصحة !؟!؟

ودوا اذا تبي تاخذه من المستشفى ما تحصله طق عليه او كل اسبوع يقولون حق امي الأسبوع اللي بعده او بشهرين

يصرفون لها 3 علب يعني 9 حبات !! واهيا تحتاج احيانا بالأسبوع كرتونين

حتى عجينة الصراصير اللي صناعة مصرية في مصر 7 جنيه

بالكويت 3.750 !!! يعني اب 75 جنيه !!!!

وينك يا وزير التجارة هذا اللي أتقولون الأسعار مدروسة !!

وين دراساتكم وانتو و كل شي بالديره 10 أضعاف الديار الثانية !!

ما أقول إلا على المعاش السلام ..!!!!

ملاحظة : ابارك لعشاق MAC

نزول ال

I phone 4

بامريكا سعر ال 32 GB اب 299$

منو فيكم يتوقع سعره بالكويت جم بي يكون ؟