من اجمل واروع ما كتب عبدالطيف البناي و جسدتها المبدعة هدى حسين
عن نفسي عشت على ليلى وذيب او كبرت على كلماتها و الحانها
لي اليوم لما الواحد يشوفها ما يمل منها
ساعاتين من الاستعراض المتناغم الجميل
المبني على زرع القيم و الاخلاق في قلب الصغير و الكبير
مع قلة الإمكانيات الفنية لكن العمل اثبت نجاحا على مدى السنين
حوارها اللحانها
حتى الشجر اللي يتمشون مع ليلى او كل حركة يسونها
" اصحى و ميز جدامك صعب الطريج احصى وميز منهو العدو منهو الرفيق "
" سمعي يا ليلى بحذرج انتي بنيتي وانا اعرفح "
" رايحه بتزورين اليده او مافيدج حقها جم ورده "
" ياحسرتي اطلعت مو يدتي وين اروح وين اولي اطير بالعالي مايحصلي "
راحت ايامج يا ليلى
للاسف الحين انعدم هل الفن
كنت اتمنى يمر علي بوست بدون لا اتحلطم فيه
كان بودي امدح شي
ماخلو شي ينمدح
حتى مسرحنا صار اخواره
مسرح الطفل الحالي مهزلة تجارية المتضرر منها الوحيد هوا الطفل
ليلى و الذيب اتحسها ملحمة فنية بسيطة الامكانات كبيرة بالمعاني
الحين بس فالحين حزت العيد يعرضون ولا 20 مسرحية طفل
تلقى 10 عروض باليوم
و المسرحية ماتشوف فيها إلا واحد يناقز
يسأل اليهال ماشفتووو حمود وين راح او تلقى واحد يطل من على يمين المسرح ويمد اللسانه
ويناقز و اليهال يصرخون ان لقينا !!
ولا يعيبون على بعض
ويتبهللون على المسرح لا حوار لا مبدأ لا معاني
شنو الرساله السامية اللي وصلتوها حق الطفل ؟
ولا شي بس الاستفادة الوحيدة في بطن المنتج
والله مو معور قلبي اللا الجيل الحالي و الياي شنو عندهم يتذكرونه لما يكبرون ؟
اناشد المبدعة هدى حسين بإعادة عرض مسرحية ليلى و الذيب على شان يكون حق عيالنا مسرحية يقولونها حق عيالهم
مثل ما احنا قلنا لهم عنها
ليلى والذيب
ردحذفوديايتي بيضي ذهب اذا تعرفينها
وبنات الشاوي
!!
كان الزمن الجميل للفن
اذكر ان بنات الشاوي ظلت تلازمني انا وبناات جيلي عمر نمشي ونغني:
احنا بنات الشاوي احنا
باجر نكبر
والدنيا تحلو
:))
قمة الأمل والتفاؤل
:P
ليت الزمن الجميل يعود
فعلا ..الفن من سئ الى اسوأ والنماذج المعروضه للأطفال سيئه جدا
الله يصلح الحال
صباح الخير
:)
ايييه .. ايام راحت
ردحذفمثل ما راح كل شي حلو بديرتنا
:(
esTeKaNa
ردحذفهلا فيج نورتي البلوق من زمان ما مريتينا :) عسى المانع خير
من احلا المسرحيات الواوي او بنات الشاوي
اصلن هل الشغلات ماتنسي لي الحين ثابته بذاكرتنا
او انشاء الله انشوف شي بالمستوا اللي كان مانبي
عثماني
صدقت يا اخوي :(
الله كريم
ذات الرداء الاحمر أيييه
ردحذفراحت ذيج الايام
الحين لا مسرحيات سنعه ولا مسلسلات
نفس العالم وطالعين لنا طلعه بالافلام بعد
مصدقين ان الي قاعدين يسونه اهو فلم ,,
صباحك خوخ ومشمش ..
نموووول
ردحذفصدقت ياخوي الي صاير الحين شي يفشل ويقولون الجمهور يبي جذي انا ماني عارفه وين هالجمهور اللي يبي هالفن الهابط!?