الكويت جميلة صفراء ...

من بعد الغزو العراقي الغاشم بدأ عصر التخضير
وكان الكل يساهم في تخضير الكويت لكي تكون الكويت جميلة خضراء
حتى يطري على يم جسر التحكم كانوا صابغين الأرض بصبغ اخضر
بدال لاينزرع (( مافيهم صبر ينطرونه يطلع )) المهم هذا مو موضوعنه
و صج الكل لاحظ الفرق صار التخضير في كل مكان
و الحمد الله تحولت الكويت إلى دولة يكسوها الرداء الأخضر
ولكن في الآونة الأخيرة و بعد تعب المواطنين بتخضير ما يمكن تخضيره
بدأ عصر الدمار الشامل من قبل قوات البلدية تهدمت الحدائق الخضراء
اقتلعت الأشجار دمرت البيوت تشوهت صورة الفرجان
وبعد هذه الأعمال التخريبية تأتي البلدية بقرارات تدميريه اكبر من الكرافات
بصدور قوانين تعجيزيه للزراعة المنزلية بروحه المواطن تطلع روحه على ما يطلع له بيت الحكومة
أو كلا 400 متر يالله أتكفيه اهوا وعياله و أحفاده بعد
او كل اللي يم بيته او يقدر يتنفس فيه اهوا ارتداد و الحين حتى الارتدادات حكمت بقوانين صارمة
من بعضها تقدر تزرع فقط مسطحات خضراء
بدون سور ( نباتي او سياج حديدي او شبك خام ) يعني حديقة بحري حق كل سواق الفريج مو بس حق اهلك
او ممنوع اللي جدام بيته ارتداد 4 أمتار يزرع لو شجيرة راح أتزيلها قوات البلدية الموقرة
او ترك مسافات 4 أمترا إلى 7 أمتار من المحول بذمتكم اشبقى من الارتداد يوم إن جذي سالفتكم إي وخرو المحولات عن البيوت
(( مع العلم إن في بيت شايفته بالسرة باني بيبته فوق المحول يعني ايبطلون الدريشة يلقون المحول بالدور الأرضي )) نسيت قوانين البلدية اللي الحين فقط تشمل المساحات الخضراء ..
يعني بالله بذمتكم وين خصوصية الأسرة إذا كل من بي يتفرج على ماتبقى من ما يسمى حديقة
ولا على شان إحنا عيال فقارة او على بيت او قسيمة الحكومة مايحق لنا يكون عندنا حديقة نلعب عيالنا فيها
بس انرد ونقول و ستتم الكويت جميلة صفراء .... بقرارات البلدية
ملاحظة :اللي يبي يطلع على القوانين
http://www.alwatan.com.kw/Default.aspx?tabid=205&article_id=546973