شكرا للافنيوز

شكرًا للأفنيوز

شكرًا من كل قلبي

لأدارة المجمع

او هذي خطوه اتمنى من كل المجمعات

والأماكن المغلقه أطبقها

بس أمنيتي انها تطبق بحذافيرها

و يكون القانون قانون على الكبير و الصغير

على الكل بالإجماع

الحب

الحب

كلمة حروفها قليلة

بس معانيها ما لها حدود

حياتنا عايشه عليها

اللي ينحرم منها ربي له يعون

تبتدي معانه بدون مقدمات

يفز لها القلب و البال يروح

يسهر بها ويسهر على حبٍ غريب

حبٍ جديد حبٍ على راسه يدوس

مادره ان فيه هايم

و ان في بحره سبح لا والله انه غرق

او ما حس في نفسه الا مع طلعت الروح

هذا هو الحب اللي تغنو فيه من زمن

من ايام عبله وعنتر

الى هذا اليوم

ماعرفنا هالحب وش عالمه وش جَوه

هو فيه رجفت قلب فزت قلب

إحساسا ما مثله مثيل

فيه نعيش

و ان انتهى

وقف قلبه وقف عمره وقف زمانه

بلحظة تمنى فيها

ماحب و لا انحب ولاجرب فزت القلب

الكويت بحاجة الدعاء

للأسف يا جماعة الخير

إحنا اللي ضعنا بالطوشة

الاسبوع اللي فات كان من احر الأسابيع

مع ان في شهر ١٢ الى ان حرارة الساحة

السياسية طغت على الجميع

و بمساعدة ال BBM على ال What's App
ماصرنا بحاجة تلفزيون او جريدة

كانت كل لكويت في قلب الحدث

البداية بلشت مع جويهل

في الضرب المتعمد

بغض النظر عن أطروحاته

لكن إحنا مو عايشين في غابة

و بعدها آتيينا سالفة ديوان الحربش

ما اعتدنا على هالاسلوب من التعامل

للمره الاولى تشهد الكويت مثل هذه الاعمال

تشويه لسمعت الكويت في الفضائيات

و ابطال العمل القوات و النواب

تسمع كلام النواب تتعجب

تسمع كلام القوات تتعجب

ماتدري منو اللي صادق فيهم

وللأسف في الكويت

بلد الكلمة و الحرية

تفقد الكلمة مصداقياتها

من اكبر الجهات في البلد

الكويت

مو بس افقدت الكلمة

مو بس افقدت الديموقراطية

مو بس افقدت الحرية

مو بس افقدت الأمان

افقدت حتى المستقبل اللي كنه نتطلع له

افقدت التنمية اليتيمة من زمان الحين تشردت
وضاعت مع اللي صار

افقدت الرجال اللي كنا نعتمد عليهم وكانو اساس البلد

افقدت مكانتها بين جيرانها و السبب الهمجيه اللي عشناها في اسبوع

الكويت في حاجة ماسة

الى الدعاء الصادق من اهل الكويت

اللهم احفظ كويتنا واجعلها بلدا للامان

اللهم احفظ كويتنا من كل مكروه

اللهم احفظ كويتنا من شر الفتن

اللهم احفظ كويتنا من شر الفتن

اللهم احفظ كويتنا من شر الفتن

انك انت مجيب الدعوات

ماذا تمنيت من العمر و ما الذي جنيته من الزمن؟

ماذا تمنيت من العمر و ما الذي جنيته من الزمن ؟!

العمر فترة زمنية يقضيها الانسان على وجه الارض

و حنه صغار كنه انشوفها وايد بعيده او شي عظيم

لكن مع الايام نكتشف انها مرحله تنتهي في غمضة عين

وانه قطار سريع لكن مو قاعدين انحس اب سرعته

بس نوعي الا طايفتنا اكثر من محطه واحنا مو حاسين فيه

اشاطر منه اللي يحسب محطاته و يعرف كل الي معاه بالقطار

وايد انمر ابمحطات انكون فيها مستعيلين او نصدر قرارات عشوائية

يمكن على أساسها انخسر ناس و نكسب ناس

انخسر حياة و نكسب حياة

صج ان ما راح ناخذ الا اللي كاتبه لنا رب العباد

ولكن إحنا نفتعل الأسباب ونكون سبب الرئيسي في كل مشاكلنا

لكن اشطر شي انسويه ان نرمي احمالنا على غيرنا

ونحمله مسؤلية أفعالنا من خلافات و مشاكل و مقاطعات

صارت جزء مجزء من يومنا

صرنا بس انتصارع على شان نلقى كرسي يوصلنا للمحطه الثانية

صرنا ننسا اللي ضحو في أماكنهم على شانه

في من ضحى اب إرادته

ومن اجبر بالقوى ان ينوخذ مكانه صار كل شي البقاء فيه للأقوى

مع الايام نسينا الضحكه نسينا البسمه فقدنا السعادة

نسينا كل شي حلو فيه مشاركة نسينا الاسرة نسينا الأصحاب

نسينا اشلون انتعايش مع الناس

صرنا في حالة اعصاب يومية

صارت المادة همنا شغلنا الشاغل

كل شي أنبنا على السرعه و فقدنا منها الصبر

لازم نرجع لربنا لازم انراجع نفسنا لازم نشكر الخالق قبل المخلوق

خلونا انخلي اتسامح نهجنا نخلي المشاركة سلكنا

باختصار انخليه الاسلام حياتنا مو بس مجرد دين ولدنا عليه

نعم كلنا مسلمين ولكن من منه جعل من الاسلام منهجا يسير عليه

من منه طبق مبادء رسولنا الكريم بالابتسامة بالوجوه بالكلمة الطيبة

بالإيثار بل الاحترام المتبادل بالمشاركة بالمشاورة شغلات وايد صرنا نفقدها يوم عن يوم

لازم نتذكر ان إحنا مجرد عابرين سبيل في هذا العالم

وانا القطار لابد ان يصل الى نقطة النهاية

خلونا انعيش حياتنا على خلق الاسلام

خل أتخلص رحلتنا و نطلع منها بذكر طيب و بخلق أطيب بسمعه جميله .

العالم كل صباح

صباح الخير اجمعين

يسعد لي صباحكم او قواكم الله على الجهاد اليومي

اللي عايشين فيه يوميا

بصراحه نقدر انسمي جهاد شوارعي

على ما توصلون الدوام

تبلش المشكلة او الجهاد من تركب سيارتك

قبل لا طقها سلف او تكتشف سايقكم الحلو كاسر مساحة السيارة

على ابو يبي يغسلها بضمير

ويبلش عدادك يرتفع مع حرارة السيارة

تونا يهادي جدامنه درب وحركت من البيت

و انت داش اللفه ايك باص مدرسة بويهك يعطيك بريك يصحصحك

هدلي بالك ترا صج اللي سوا الباص غلط بس على الأقل صحصحك شوي

ونبلش فلم الدوائر تنزلك على اي دائري بالكويت

طبعا الدائري واقف كلا او كل مداخلا طابور مثل طابور الخبز ايام الغزو

او نتعمق شوي بالشارع نمسك الملك فهد

للعلم ان واقف من جسر صبحان الى ان ينتهي الشارع

السيايير في حالة جمود

بس نزل السايد او خل السيارة على البركة وحيلك في البريكات

طبعا كل من دار مدارك صار متأقلم على الوضع

أو تلقى الناس أنواع الصبح او نقدر انقول كل سيارة يكون لها عالمها الخاص

تلتفت يمينك تلقى الام ماسكه كتاب الاجتماعيات او تتلي على ولدها

الي قاعد ورا او على اساس انه يسمع المسكينه اللي انبح صوتها جدام

و الاخ طاقها شخري واذا بي ايقوطي الاكلنيكس على راسه

انا صوتي مبح و انا اتلي او حضرتك نايم قوم اسمعلك كلمتين تستفيد منهم بعد شوي

ديييييييييييد ديييييييد هرن قوي من مصري

اذا ماطق هرن مايصير مصري

السيارة اللي على شمالك بنت بالعشرينات

او معتجله اب جنظة المكياج

اهو شدو اهو بلشر اهيا كحلة حتى الاي لينر التخطه واهيا بالسيارة

يعني مومخليا بخاطرها شي

لأن المسكينه يدوبك التصلي الفير او تركب السيارة مايمديها تتزقرت ولبا بس تلبس اهدومها

فعلى شان جذي تكون السيارة الصالون المتنقل الخاص فيها

قواج الله يوبا ..

زين توا شوي تحرك الشارع

هذا اللي على يمينك اش قاعد يسوي

لا مو من صجه

الاخ نايم اي والله نايم

الابو سهران بالدوانية البارحه

او غصبن عليه بي يودي اليهال

ف الحبيب قاط راسه على الكشن وشخري و العيال

اللي نايم و لي ياكل ولي مسكين يفكر بالشارع

يوباااا يالله مشا الشارع حرك

الله يعينكم

و اللي على اليسار

واحد شكلا من نايم من البارحه

مبطل الدرايش وماد لنا الريوله الجميلة

ودايرها عدنيات من صباح الله خير

ولا يدري اهوا ليش طالع اصلا

بس بما ان كل العالم الصبح تطلع ف اهوا بعد وياهم

طااااااااااااااااخ تداعموا اللي جدامك

و تشتغل الهرنات

لا حول ولا قوة الا بالله

امشو زين ماصار شي ورانا بصمة

وتيي السيارة اللي بعدها اطل فيها

ولا ريال عود كاشخ منشي الغترة او شكلة متقاعد

بس شكل هالسكبة كلها حق جهاد البورصة

وتلقى بس يفلي بهالجرايد

الله يرزقك ان شاء الله ... ويرزقنا وياك

ولي بعدة طالب بالجامعة

مسكين نظارته قاعة بطل

وحيل يحوس اب هالنوتات

و المراجع و الكتب

اهقا ان بكلية العلوم

لأنهم اكثر طلبة الجامعة تعقيدا

الله يسهل امركم يا رب

و تشوف اللي رايء و فايء

ياحليلها ما بقا اللا اتحط لها توتستر بالسيارة

الاكل ترس السيارة اهو صمون اهو كرواسون

او تب قهوة بحضنها

بالعافية بالعافية

اي مسكينه ما يمديها تحط لقمة بحلجها في البيت ولا جان رايح عليها التوقيع

يالله يا جماعة الخير ما بقى شي على البصمة

دييييييييييد ديييييييييييييد هندي براسة دهن

او طاقها سالفة مع الخدامة

والياهل ورا مبطل الدريشة نصه داخل او نصة برا

اشرها على اهلك اللي مأمنين على هالخدم ولا الهنود من يشره عليهم

اللهم طولج يا روح متى نوصل يالله هانت بس بقى شوي

وناس وجناس تمر عليك كل يوم

اشكال غريبة او عجيبة

كل يوم يعيشون معاكم نفس التجربة

بس تذكر انك انت بعد واحد من الناس او مثل مو قاعد تتحلطم

في من يتحلطم عليك

ف طولو بالكم الصبح او وكلوا امركم لله

او صدقوني كلكم بتوصلون الدوام

وتذكر قول رسول صلى الله عليه وسلم

(( الابتسامة في وجه اخيك المسلم صدقة ))

ف خلك سمح مع هالناس وابتسم وان شاء الله الله يفرجها علينا او عليك

وأخيرا التلفزيون بدون سكووووب

أنا كل ما أحط على هالقناة أيني قامت

اليوم أحس القامت راح

أحس أب راحة نفسيه

بغض النظر عن الطريقة اللي وقفة فيها

بس المهم أنها أوقفت

لأنها وسمة عار على الكويت

و افتكينا منها

أهني كل الكويتيين

على اللي صار أو يا عساهم دوم على هالحال و أردا

و كفو عليكم والله

المفروض هالشي يصير من زمان

و دمتم سالمين

و ياحلات التلفزيون بدونج يا سكوووووووب

مهزلة في التربية

يفرض أنها وزارة للتربية وتعليم
وعلمونه من قبل إن المعلم رسول
وان يجب ان يكون قدوة للطلبة
ويكون مثل أعلى لهم في
تصرفاته وأخلاقه
لكن اللي حصل أمس يعكس واقع اللي أتعلمنا
المدرسين في اعتصام
تعطيل العملية التعليمية
سلب الوقت الذي خصص للعلم
و السبب 25 دقيقه !!!!!!
بصراحة مهزلة
وإذا زادوا دوامكم 25 دقيقه شنو راح يصير
عمركم راح ينقص مثلا !!
ساعة النشاط كانت موجودة من أيامنا
أو ما كان في اعتراض أشمعنه الحين
لو قلبكم صج على العملية التعليمية جان بالفعل طبقتوا القرار
خليتوا الطالب يستمتع في ساعة النشاط
و اتهيؤن له الجو المناسب مو اتحسسونه
إن حمل ثقيل عليكم ...
اتعلمون الطلبة بالتمرد على القرارات
و الانصياع لرغبات العشوائية الغير مدروسة !
أو بعدين على شنوا طالبون بزيادة الراتب
و نص معاشاتنا طايرة على الدروس الخصوصية
لو صج كان التدريس أبضمير و بما يرضي الله ورسوله جان قلنا معاكم حق
لكن الطالب يرد من المدرسة ابيض يا فل
ماكو أي استفادة إلا انه
تعلم شغلات خالية عن التربية ...
كلمة شكر أرسلها للجميع المدرسين الذين التزموا في الدوام المدرسي
اشكر وزيرة التربية على كل جهودها
أو بسمي أطالبها بأنها تقوم بمعاقبة كل من تخلف عن الدراسة و ساهمة في تعطيل المسيرة التعليمية