صارلي جم يوم ادق عليه بكل لهفه اني اسمع شي حلو
اسمع كلمه اطيب خاطري كلمة اتغير مزاجي
كلمة اتخليني اخذ نسم عميق لمه اسمعها
او للأسف يكون الرد القاتل
الصاعق
المتوقع ..
لديك صفر دينار .....
او حزتها تبدأ سلسله من التحلطم على البنك او على الدوام او على كل شي
طبعا الشخص اللي امه داعيه عليه اللي ايي يكلمني عقب هل المكالمة
لأن نفسيتي اتكون بخشمي
بس مع كل الازمات كنت اصر على اني ادق مره ثانيه او ثالثه او رابعه
على و عسى اسمع شي غير صفر دينار
و بالفعل امس عقب صلاة المغرب
او توني راكبه السيارة او طول الطريج
و انا ادق عليه
قالي اياها سمعني اياها اذوني مو مصدقه
صج انها صاعقه شي كهربني غير مزاجي
قالي اللي ودي اسمعه
سمعني الكلمة اللي ناطرتها من جم يوم
الي حسيت ان الايام صارت اسابيع على شانها
اخيرا برد جبدي او غير مزاجي او قالي لديك XXX.596 دينار
يا حلوه من خبر
طبعا على طول طقيت فوق حدر او دايركت على البنك
و الصدمه اني لقيت الكويت كلها اهناك
ناس صافه دور على المكاين هذا غير ساتول السيارات
و انا على بالي اني بس انا اللي متحرقصه على المعاش
اثاري هذا حال كل من على هالديره
ما جذب من سماه معاش لأن عمره ما عاش
لأن من ينزل تشتغل الفيزا و الماستر اتخصم
هذا غير السيارة غير الاتزامات الشهرية
ما يعدي سبوع بالكثير
اللا او تبدي ازمت الانتظار لشهر الياي ...
الاشتراك في:
تعليقات الرسالة (Atom)
ماعندنا سلف....
ردحذفآمريني بس
ردحذفحتى رقم حسابي
اعطيج اياه
:)
***********************
وبأول أجازة تسافرين !
ردحذفعيارة وحركات كويتيين .
يعني عن العين .
عشتوا
شكلج هيلقية ومو شايفة خير
ردحذفوأكيد حجابج بو قوطي روب
وشنطتج تقليد شانيل وشاريته من الوسيط
غير معرف الي فوقي
ردحذفثلثين بنات الكويت جذيه
MSMAAR
ردحذفهلا فيك خيو
اشوه نزل مو بحاجة السلف :)
aL-NooR
هلا فيج خيتووو
نورتي البلوق
ما يامر عليج عدو صديقتي :)
شوفتج في البلوق تكفي
غير معرف 1
كنت اتمنى اعرف انا قاعده ارد على منو على الاقل اسم نك اي شي
عاد صج من زمان مو مسافره
يبيلا ...
غير معرف 2
اشكرك على الاسلوب الراقي بس حبيت اقول كل
من يرا الناس اب عين طبعه
او الى كل من يلبس حجاب بو قوطي روب على قولتك
((اذكرهم بقول الرسول عليه الصلاة والسلام : نساء كاسيات عاريات مائلات مميلات رءوسهن كأسنمة البخت المائلة لا يدخلن الجنة ولا يجدن ريحها))
غير معرف 3
اعتقد الرد اللي على اللي فوقك كافي
اختي العزيزه
ردحذفكلامج منطقي وصحيح مئه بالمئه
اليوم رحت السوق شفت الهوايل عبالي باجر عيد من الزحمه طبعا لأن المعاش توه نازل
ولو اروح اخر الشهر ملحصل احد والنحلات اتكش ذبان
حتى الكافيهات تصفر
والأخ غير معروف عنده اللي ينطرون المعاش هيلق!!!
جد جد ضحكني لأني طلعت هيلقي وياج هههههههههههه
im waitting my salary then im hailgy 3shna w shvna
ردحذفactivity save comment
البنوك الحين يدزون مسج للعميل عند نزول المعاش .
ردحذفمافي داعي تتصلين فيهم .
من باب الفضول ........... كم راتبج ؟
: )
kuwaiti_cool
ردحذفهلا فيك خيو
اشكرك على المرور :)
او شفت طلعنا هيلق و احنا ماندري :))
MSMAAR
بعد شتقول انظمينه الى لستت الهلاقه :)
غير معرف 4
هلا فيك خيو
انا بنكي الوطني :)))
ولكن مو دايما يدزون مسجات ساعات مايوصل المسج اللا عقب مو مشلخينه الفيزا والماستر والقصد بعدين يدزولك ماتبقى من الراتب ..
او على راتبي جم انت عطني بس انت تبي الصافي بعد التقصص ولا تبي اللي ينزل من الشركه :) ؟
إذا إلي ينطر المعاش هيلقي عيل ليش نشتغل ؟؟؟
ردحذفو إنت ياللي كاتب هالتعليق تشتغل ببلاش ؟؟؟؟؟؟
المهم البنك الوطني ما ينزل معاشاته إلى عقب الساعه 7 مساءا يعني بالأشهر اليايه لا اتحاولين قبل السبع علشان ما تحبطين .. :S
موفقه الغاليه
loool 9rna hlaga etha nn6ir elm3ash 3yal elashya2 elthanya shnu
ردحذفana agul 7awlay 3ala eltmwel ynzlon elm3ashat abchr ;p
الجودي
ردحذفهلا فيج خيتو
او راح اسمع نصيحتج او ما اجيك الاا عقب ال 7
غير معرف
هلا فيج او فيك ..
بعد صرنا هيلق على اخر عمرنا
و بنسبة حق بيت التمويل لو يكون اخر بنك بالديرة احط فلوسي في البيت ولا اني اتعامل معاهم