الواحد منه ساعات للأسف يحتاج أنه يراجع بعض الوزارات مجبور
من ظروف الحياة كل من أتقوله يب مستند ولا ورقه من وزارة اتصك في الدنيا شهر جدام
والله الأسبوع اللي فات كلا كنت ماني قادره أحك راسي بسبة أن عندي معاملات في بعض الوزارات
اول شي وصلة شويخ قالو لي معاملتج محد يفيدج فيها ألا رئيس القسم بعد نص ساعة بي يوصل
والله او أقعد أنطر لين وصل قالي حياج المكتب
طبعا المنظر اللي قاعده اشوفه ماشفته عيني من قبل
مكتب سكرتيرة مهجور او ابطول ماي الروضتين تقريبا 10 من الكبار على كبر الأرض
او الغبار في الغرفه أكثر من الأثاث
دخلت مكتب رئيس القسم
ولا جدامي كرسي مكسور
يمه قنفات مغبره او كمبيوتر عفا عليه الدهر
اتوقع انه صخر إذا ماني غلطانه او كومة أوراق محذوفه على القاع
و المصيبه يقولي تفضلي
صل على النبي يا أخوي وين الواحد يقدريتفظل
أنا للحظه فكرة أني أطلع من عنده
أو أرد البيت آخذ لي شاور من عقب المزبلة اللي قاعد فيها
والله او يلقط له ملف من القاع او ينفظ منه الغبار
او يقولي تفضلي صج أني أنأرفت في البداية
بس شسوي مجبوره آخذها طلعت من مكتبه
او بقلبي أقول الله يستر من الياي
سألت عن الورقه الثانيه قالو لي في المبنى اللي يمنه
او والله ودق سيارتي سلف او اروح المبنى الثاني
وصلت نفسيت الموظفات ما يحتاي أقول كل وحده جني أطر منها
أقولها أبي الورقه الفلانيه أتصرخ على رفيجتها بالغرفة الثانية أقولج أطلع لها الورقة الحين ولا أنخليها باجر!!
تخيلو أو انا واقفة مبحلقة عيوني !!
شنو قاعد يصير قلت لها يا بنت الحلال أنا وراي مليون شغله تقفين خلصيني
جان اتقولي يبيلي صورة جوازج !
قلت لها ليش أتقولي أبي أسمج بالأنجليزي
قلت لها جوازي في البيت أخذي الليسن فيه الأسم بالأنجليزي
جان مخها يقفل لأ ألا الجواز ولا ما يصير !
يا حيل الله والله او أطلع من عندهم او أدق على أختي
ولا توها بتطلع من البيت قلت لها ولي يسلمج يبيلي جوازي
أختي أنصدمت قالت ليش صلي على النبي وين بتروحين ؟
بتسافرين من ورانه قلت لها تقفين لاترفعين ضغطي أكثر
يبي عندي معاملة بالوزارة !
وقلت على شان لا أضيع وقت أزيادة خل اروح أخلص شغلي في العديلية
او رحت أهناك خلصت جم شغله أو جان أشوف نفس القسم الي بالشويخ
قلت لها تقدرين أتطلعين لي هالورقة جان أتقولي أنشاءالله
أبتسمت للحظه وحده حسيت انها فرجت
قالت لي لحظه حق أي سنة
قلت لها 2003
جان اتقولي لأ من قبل ال 2000 أطلع لج أياها بعد ال 2000 روحي شويخ !!!
نفس السستم أهني و أهناك أش هالتعنفق ؟!
والله وتعوذ من بليس وروح شويخ
ألا أختي يايه او أخذت منها الجواز
أو عطيتا الموظفة تخيلو صبع صبع أطق على الكيبورد
و تبحلق عيونها بالجواز او تنقل حرف حرف
او بس خلصت جان أتقولي هاج الجواز او نطري على ما الطابعة تطبع
او طابعه تستغرق تقريبا ربع ساعه على ما تطبع 3 اوراق ..
او خذت الورقة او أنا طايرة من الوناسة
ييت بطلع جان اتقولي أختي روحي العديلية مره ثانية على شان يختمونها .. من صجكم ؟!
لا حول ولا قوة اللا بالله اللهم طولج يا روح
او أروح العديلية للمرة الثانية على التوالي
أو من مبنى لي مبنى لين وقعة كل الأوراق أو أخيرا أنتهت المأساة
او اطير على ميدان حولي أكمل أوراقي أو القا لي مصفط استراتيجي او ادخل على طول لي الكاونتر
عطيتها البطاقة طقت أسمي جان اتقولي أسمج غلط مو موجود بالسستم !!
يالمعوده شنو اللي مو موجود عيل وين أروح دوري المهم لقت أسمي بطلعت الروح
بس رعصت عليه جان يطفي البرنامج اللي بالكمبيوتر
قلت لأ اليوم صج مو يومي والله او انا قاعدة اطل ورا الكاونتر
و الغبرة و المزبلة نفس مكتب صاحبنا رئيس القسم قلت لا اظاهر اليوم مو معدي وتقولي مسؤلتهم أحنا ما عندنا بالقسم ألا كمبيوترين ا
و اثنينهم معلقين أنا مخي قفل قلت لها اشلون يعني جان اتقول مالج ألا اتيين باجر يا حيل الله او ينتهي يومي المأساوي في اروقة وزارات الدولة لا أنا اللي خلصت شغلي او تأخرت على دوامي و كل كمبيوترات الدولة معلقه اتهقون هل أنا اللي قبس ولا الوزارة اللي تعبانه ؟
من ظروف الحياة كل من أتقوله يب مستند ولا ورقه من وزارة اتصك في الدنيا شهر جدام
والله الأسبوع اللي فات كلا كنت ماني قادره أحك راسي بسبة أن عندي معاملات في بعض الوزارات
اول شي وصلة شويخ قالو لي معاملتج محد يفيدج فيها ألا رئيس القسم بعد نص ساعة بي يوصل
والله او أقعد أنطر لين وصل قالي حياج المكتب
طبعا المنظر اللي قاعده اشوفه ماشفته عيني من قبل
مكتب سكرتيرة مهجور او ابطول ماي الروضتين تقريبا 10 من الكبار على كبر الأرض
او الغبار في الغرفه أكثر من الأثاث
دخلت مكتب رئيس القسم
ولا جدامي كرسي مكسور
يمه قنفات مغبره او كمبيوتر عفا عليه الدهر
اتوقع انه صخر إذا ماني غلطانه او كومة أوراق محذوفه على القاع
و المصيبه يقولي تفضلي
صل على النبي يا أخوي وين الواحد يقدريتفظل
أنا للحظه فكرة أني أطلع من عنده
أو أرد البيت آخذ لي شاور من عقب المزبلة اللي قاعد فيها
والله او يلقط له ملف من القاع او ينفظ منه الغبار
او يقولي تفضلي صج أني أنأرفت في البداية
بس شسوي مجبوره آخذها طلعت من مكتبه
او بقلبي أقول الله يستر من الياي
سألت عن الورقه الثانيه قالو لي في المبنى اللي يمنه
او والله ودق سيارتي سلف او اروح المبنى الثاني
وصلت نفسيت الموظفات ما يحتاي أقول كل وحده جني أطر منها
أقولها أبي الورقه الفلانيه أتصرخ على رفيجتها بالغرفة الثانية أقولج أطلع لها الورقة الحين ولا أنخليها باجر!!
تخيلو أو انا واقفة مبحلقة عيوني !!
شنو قاعد يصير قلت لها يا بنت الحلال أنا وراي مليون شغله تقفين خلصيني
جان اتقولي يبيلي صورة جوازج !
قلت لها ليش أتقولي أبي أسمج بالأنجليزي
قلت لها جوازي في البيت أخذي الليسن فيه الأسم بالأنجليزي
جان مخها يقفل لأ ألا الجواز ولا ما يصير !
يا حيل الله والله او أطلع من عندهم او أدق على أختي
ولا توها بتطلع من البيت قلت لها ولي يسلمج يبيلي جوازي
أختي أنصدمت قالت ليش صلي على النبي وين بتروحين ؟
بتسافرين من ورانه قلت لها تقفين لاترفعين ضغطي أكثر
يبي عندي معاملة بالوزارة !
وقلت على شان لا أضيع وقت أزيادة خل اروح أخلص شغلي في العديلية
او رحت أهناك خلصت جم شغله أو جان أشوف نفس القسم الي بالشويخ
قلت لها تقدرين أتطلعين لي هالورقة جان أتقولي أنشاءالله
أبتسمت للحظه وحده حسيت انها فرجت
قالت لي لحظه حق أي سنة
قلت لها 2003
جان اتقولي لأ من قبل ال 2000 أطلع لج أياها بعد ال 2000 روحي شويخ !!!
نفس السستم أهني و أهناك أش هالتعنفق ؟!
والله وتعوذ من بليس وروح شويخ
ألا أختي يايه او أخذت منها الجواز
أو عطيتا الموظفة تخيلو صبع صبع أطق على الكيبورد
و تبحلق عيونها بالجواز او تنقل حرف حرف
او بس خلصت جان أتقولي هاج الجواز او نطري على ما الطابعة تطبع
او طابعه تستغرق تقريبا ربع ساعه على ما تطبع 3 اوراق ..
او خذت الورقة او أنا طايرة من الوناسة
ييت بطلع جان اتقولي أختي روحي العديلية مره ثانية على شان يختمونها .. من صجكم ؟!
لا حول ولا قوة اللا بالله اللهم طولج يا روح
او أروح العديلية للمرة الثانية على التوالي
أو من مبنى لي مبنى لين وقعة كل الأوراق أو أخيرا أنتهت المأساة
او اطير على ميدان حولي أكمل أوراقي أو القا لي مصفط استراتيجي او ادخل على طول لي الكاونتر
عطيتها البطاقة طقت أسمي جان اتقولي أسمج غلط مو موجود بالسستم !!
يالمعوده شنو اللي مو موجود عيل وين أروح دوري المهم لقت أسمي بطلعت الروح
بس رعصت عليه جان يطفي البرنامج اللي بالكمبيوتر
قلت لأ اليوم صج مو يومي والله او انا قاعدة اطل ورا الكاونتر
و الغبرة و المزبلة نفس مكتب صاحبنا رئيس القسم قلت لا اظاهر اليوم مو معدي وتقولي مسؤلتهم أحنا ما عندنا بالقسم ألا كمبيوترين ا
و اثنينهم معلقين أنا مخي قفل قلت لها اشلون يعني جان اتقول مالج ألا اتيين باجر يا حيل الله او ينتهي يومي المأساوي في اروقة وزارات الدولة لا أنا اللي خلصت شغلي او تأخرت على دوامي و كل كمبيوترات الدولة معلقه اتهقون هل أنا اللي قبس ولا الوزارة اللي تعبانه ؟